iPhone-ի երկու նոր մոդելները կստանան iPhone 5S եւ iPhone 5C անվանումները: Առաջին սարքն արտաքնապես նման կլինի նախորդների դիզայնին, սակայն կարտադրվի նաեւ ոսկեգույն, հաղորդում է ճապոնական Macotakara բլոգը: iPhone 3GS-ի տեսքը գրեթե նույնն է, ինչ iPhone 3G-ինը, նույնը եղել է նաեւ iPhone 4S-ի դեպքում: Ինչ վերաբերում է iPhone 5C-ին, ապա ճապոնացիները ենթադրում են, որ այդ տառը նշանակում է «Color» (գույն): Սարքն, ամենայն հավանականությամբ, կթողարկվի տարբեր գույներով, հաղորդում է «Վեստի Էկոնոմիկան»: iPhone 5S-ը, հավանական է, ունենա մատնահետքերի սկաներ: Այդ տեխնոլոգիան կօգտագործվի առանց գաղտնաբառի նույնականացման համար: Ճապոնացիները վստահեցնում են, որ iPhone 5S-ը կլինի ոչ միայն սեւ եւ սպիտակ, այլեւ՝ ոսկեգույն: Նորույթը հանրությանը կներկայացվի սեպտեմբերի 10-ին:
|