2013-ի երկրորդ եռամսյակում թողարկված բոլոր համակարգիչների 16,7 տոկոսը բաժին է ընկնում Lenovo-ին: HP երկրորդ հորիզոնականում է: Առաջատարների հնգյակում են նաեւ Dell-ը, Acer-ը եւ Asus-ը:

2013թ ապրիլ-հունիս ամիսների ընթացքում աշխարհում վաճառվել է 76 մլն անձնական համակարգիչ: Դա 2012թ նույն ժամանակահատվածի համեմատ 10,9 տոկոսով պակաս է:

Համանման արդյունքներ է ներկայացնում նաեւ մեկ այլ վերլուծական ընկերություն` IDC-ն: Վերջինիս գնահատականներով` ապրիլ-հունիս ամիսներին մատակարարվել է 75,6 մլն համակարգիչ, ինչը 11,4 տոկոսով պակաս է մեկ տարի առաջվա ցուցանիշից, գրում է «Lenta.Ru»-ն:

Համակարգիչների պահանջարկի նվազումը կապված է պլանշետների տարածման հետ: Վերլուծաբանները iPad-ները եւ համանման սարքերը համակարգիչներ չեն համարում եւ վիճակագրությունում չեն ներառում: